Atterbury Trust Nuusbrief
Lees op die internet
November 2014
Facebook
Twitter
Google Plus
Webtuiste
E-pos

Gesprek met ’n jong entrepreneur

Daar is min dinge so bevredigend soos om ’n helpende hand te kan uitreik en ’n verskil te maak aan iemand anders se lewe; en dis hoekom Atterbury Trust ook graag ander hulporganisasies ondersteun. Solidariteit Helpende Hand se Entrepreneurskompetisie vir skole was onlangs in die kollig en Atterbury Trust het vyf kontantpryse van R5 000 elk aan die finaliste toegeken. Die wenner, Simoné Schoeman, was die enigste meisie onder die vyf finaliste, en haar vernuf met haar fotografie-onderneming het die beoordelaars oortuig om haar die eerste plek toe te ken. Die Solidariteitprys het haar R15 000 in die sak gebring om in haar onderneming te stort, en ook R15 000 vir haar skool, om aangewend te word vir entrepreneursontwikkeling.
Lees meer

Atterbury Klavierkompetisie 2014 Wenners 

Baie geluk aan André Breet, algehele wenner van die Atterbury Klavierkompetisie en Caryn Reed (tweede). Mooi so julle! Lees meer oor die wenners hier.

Cool Capital 2014 Hoërskool kuns

Klipkuns gaan groot

Eduplex College se kunsleerlinge het met soveel ywer ingespring in Atterbury Trust se Cool Capital Hoërskoolkunsprojek, dat dit op die ou end heelwat groter was as aanvanklik beplan. Ons gesels met die kunsonderwyseres, Christene Webb, oor die proses.

Lees meer

Kyk vorentoe, kyk terug

Cornwall Hill College is baie trots daarop om deel te kan wees van die Cool Capital Hoërskool kunsinisiatief wat deur Atterbury Trust geborg is. Hulle is dankbaar vir die geleentheid om  daarmee geassosieer te wees en by te dra om die publiek aan kuns en beeldhouwerk in die hoofstad en spesifiek ook die Cornwall gemeenskap bekend te stel.

Lees meer
Maak 'n bydrae: Stuur e-pos aan Zahn

10 Vrae vir Dr Marc Roscher, spesialis dermatoloog en stigterlid van die Triomfkliniek

Dok Marc saam met vroulief Ida

1. Hoe het jy betrokke geraak by die Atterbury Trust?
Ek is deel van ‘n pro-bono groep – Triomf – wat ‘n mediese kliniek vir behoeftiges op die been gebring het, met die hulp van die Atterbury Trust. Daar was baie raakpunte in ons gemeenskaplike visie vir die projek en die loods van die projek het vinnig uitgerol nadat ons besluit het om saam te werk daaraan.

2. Kortliks, wat is jou huislike opset en wat doen jy graag in jou vrye tyd?
Ek woon in Mount Edgecombe in KZN met my vrou Ida, wat ’n binnenshuise ontwerper is, en twee Scotties. Ek kweek orgideë en reis baie; en ek is ’n kranige amateurfotograaf wat graag foto’s neem van ons reise deur die wêreld. Maar een van my gunsteling stokperdjies is my werk in die veld van opleiding. Ek het die Suid-Afrikaanse vereniging van dermatologiese chirurgie in 2007 geskep – dit behels die opleiding van kollegas in die veld van lasers, velchirurgie en velprosedures. Dit het ontwikkel in ‘n internasionale beweging, wat ek en Dr Michael Gold (www.thedasil.org) begin het en ek is vanjaar verkies as president.

3. Waar het jy grootgeword en skoolgegaan?
In die Goue Driehoek! Grootgeword in Pretoria-Oos, matriek gemaak by Affies en geswot by Tukkies.

4. Voltooi die sin: Ek weet ek is’n Afrikaner, want…
Dis in my bloed!

5. Hoe lyk jou ideale Sondagmiddagete?
Skaapboud!
Lees meer
Kopiereg © 2014 Atterbury Trust, Alle regte voorbehou.


Kanselleer intekening    Opdateer my inligting