Kæru foreldrar

Ágætu foreldrar/forráðamenn nemenda í Álftanesskóla.

Nú líður að upphafi nýs skólaárs. Samfellt skólastarf barna- og unglingafræðslu á Álftanesi hefur staðið óslitið frá 1880. Fyrstu 9 árin lánaði Grímur Thomsen stofu á Bessastöðum fyrir skólahaldið. Árið 1889 var byggt skólahús á Bjarnastöðum úr timbri og klætt járni. Það hús var kalt og lak vatni. 1914 er byggt það steinhús sem enn stendur á Bjarnastöðum sem skólahús fyrir barna- og ungmennafræðslu hér á Álftanesi. Húsið teiknaði og hannaði Guðjón Samúelsson húsameistari ríkisins. Þetta skólahús var ekki aðeins skólahús heldur þess tíma menningarhús og menningarmiðstöð sveitarfélagsins. Skólahúsið á 100 ára sögu- og menningarlegt afmæli í ár. Fyrstu árin hófst skólastarfið í byrjun október og skólinn settur fyrsta laugardag í október. Íbúum á Álftanesi fjölgaði jafnt og þétt og þegar skólahúsið var orðið of lítið fyrir skólastarfið var hafist handa við byggingu núverandi húsnæðis skólans og fyrstu þrjár kennslustofurnar og skrifstofuálma tekin í notkun 1978. Síðan þá hefur verið byggt mörgum sinnum við skólahúsið og enn þarf að byggja við þar sem núveranandi skólahús hýsir ekki alla starfsemi skólans. Kennsla fer fram í fjórum kennsluskálum á skólalóð skólans og matsalur skólans er í Hátíðarsal sem er staðsettur í Íþróttamiðstöðinni á Álftanesi einnig er öll skrifstofuaðstaða og sérfræðiaðstaða löngu sprungin utan af skólastarfinu. Árið 2010 héldum við upp á 130 ára samfellda skólasögu og skólastarf á Álftanesi með veglegri hátíð þar sem öllum íbúum Álftaness og góðum gestum var boðið til veislu og skólasýningar daginn eftir. Þetta gerðum við í byrjun október og ákváðum þá að það yrði afmælisdagur skólastarfsins og skólans. Mikið hefur verið rætt um verðandi hlutverk skólahússins á Bjarnastöðum eftir að sveitarfélagið Álftanes og Garðabær sameinuðust í nýtt sveitarfélag Garðabæjar og húsið aflagt sem skrifstofuhúsnæði sveitarfélagsins. Í huga okkar skólafólks er nauðsynlegt að skólastarfi, menningarlegu hlutverki hússins sem og húsinu sjálfu sem hluta af menningu okkar sé sýnd virðing. Jafnframt að húsið verði gert upp en fái að haldi sínu upprunalega útliti bæði að innan og utan sem skólasafn og menningarhús fyrir Garðabæ. Að það hýsi skólasögu okkar allra þar sem skólasaga á Álftanesi og í Garðabæ er einnig skólasaga Íslands.

Til hamingju með 100 ára ártíð skólahússins á Bjarnastöðum.
Sveinbjörn Markús Njálsson, skólastjóri.

Skólasetning Álftanesskóla 2014

Foreldrar eru hvattir til að mæta með börnum sínum á skólasetningu. 

Nemendur skólans mæta til skólasetningar eftir árgöngum:

• Nemendur í 7.- 10. bekk mæta kl. 09:00
• Nemendur í 4. - 6. bekk mæta  kl. 09:45
• Nemendur í 2.- 3. bekk mæta  kl   10:30

• Nemendur 1. bekkjar eru með sérstöku bréfi boðaðir til viðtals hjá umsjónarkennara mánudaginn 25. ágúst.

Þriðjudaginn 26. ágúst hefst kennsla samkvæmt stundaskrá hjá öllum nemendum skólans. Foreldrar barna í 1. bekk eru hvattir til að mæta með börnum sínum í upphafi fyrsta skóladags. Skólasetning í 1. bekk á Sal skólans kl. 8:15. 

Að lokinni skólasetningu fara nemendur og foreldrar með umsjónarkennara í heimastofu og fá afhenta stundaskrá og aðrar upplýsingar. 

Skólamatur

Frístund - heilsdagsskóli

Skólatíminn

Áherslumál skólaárið 2014 - 2015

1. Innleiðing nýrrar aðalnámskráar.
2. Vegvísir og vörður í 1. - 7. bekk - Fjölbreyttir kennsluhættir í íslensku.
3. Lestur og ritun.
4. Útikennsla og hreyfing.

Á döfinni