NEWSLETTER

“Mon poème va vers toi, délivré de tous ce qu'il entoure, vacant, ouvert, porté par le silence” (Anise Koltz, “La Muraille de l'alphabet. Poèmes”, Editions Phi)

D’Anise Koltz huet eis den 1. Mäerz verlooss, mee hir Gedichter bleiwen a beréiere fir ëmmer. En Hommage un déi aussergewéinlech Poetin mat hirer Stëmm, hire Gedichter a Gedanke vu Mënschen ronderëm d’Anise Koltz héiert Dir dëse Sonndeg an der Emissioun Déi wonnerbar VaLibrairie um 11 Auer.

D’Invitéen dës Woch waren:
Martine Hansen - Co-Fraktiounspresidentin vun der CSV
Tommy Klein - Beroder vun der Piratepartei
Thomas Galli - Fréiere Prisongsdirekter

Charel Schmit - Ombudsman fir Kanner a Jugendlecher
Jerry Grbic - CEO vun der Lëtzebuerger Bankevereenegung ABBL

Nei Alphabetiséierungsklasse fir mannerjäreg Refugiéen
Den Ombudsman fir Kanner a Jugendlecher Charel Schmit (och Invité vum Dag de 16.3.) kritiséiert, datt op d’mannst 45 onbegleete Mannerjäreger ënner 16 Joer - dovunner siwe Schoulflichteger - net an d'Schoul kéinte goen, obwuel dat hire Wonsch wier. No Ouschtere sollen elo fënnef weider Schoulklasse fir mannerjäreg Refugiéen am Land opgoen, seet den Educatiounsministère.

E jonken Dirigent fir de Cercle Symphonique de Rumelange
De Sidney Scho steet zanter dëser Saison (2022/2023) un der Spëtzt vum Cercle Symphonique de Rumelange. Den Orchester gëtt et méi wéi 100 Joer an hiren neien Dirigent huet schonn eng Rei Iddien, wéi hien den Orchester an Zukunft wëllt weiderféieren.

De Christophe Mirkes huet sech mam Sidney Scho ënnerhalen.

Kënschtlech Intelligenz (KI) oder Artificial Intelligence (AI): Dat si Begrëffer, déi net zulescht wéinst der Verëffentlechung vum Chatbot ChatGPT am November 2022 fir vill Gespréichsstoff suergen. Well d’Schoul op d‘Liewe virbereet, ka se de Phenomeen AI net einfach ignoréieren oder just hallefhäerzeg behandelen. Dobäi stelle sech vill Froen. D’Natasha Ehrmann féiert duerch de Webinar mat véier Invitéen.

Kultur huet e feste Rendez-vous: All Dag diskutéiert de Pit Walté mat de Kolleeginnen a Kolleegen iwwer dat Wichtegst aus alle Kulturberäicher. Theater, Kino, Literatur, Musek, Konscht a villes méi steet um Programm an eiser labberer Ronn. Verpasst kee Rendez-vous méi!