NEWSLETTER

“La littérature est la preuve que la vie ne suffit pas”, seet de Jean Portante a sengem neie Roman “Une dernière fois, la méditerranée”. U sech wier domadder alles gesot ... mee de Jean Portante huet méi ze soen. An dat gëllt och fir den James Leader, deem säi Gedichtband net ëmsoss “High Talk” heescht. En Talk gëtt et awer och mat der Historikerin Renée Wagner iwwer hir Publikatioun: “Emanzipation und Antisemitismus”. Et gëtt also vill ze soen dëse Sonndeg an eiser Literaturemissioun “Déi wonnerbar VaLibrairie.

“D’Leit brauche live Stëmmen”
De Méindeg, den 13.2., war de Weltdag vum Radio. D'UNESCO huet dësen Dag virun 12 Joer an d'Liewe geruff, fir un de Stellewäert vum Radio ze erënneren. De Sujet dëst Joer war "Radio a Fridden". Fir déi Geleeënheet hu mir mat der Iryna Skrypak geschwat, enger Ukrainerin, déi d’lescht Joer op Lëtzebuerg koum an antëschent beim Radio ARA eng Kultursendung op Ukrainesch mécht.

Aus fir Verbrenner: Camione kréien nach Sursis
Vun 2035 un dierfen an der Europäescher Unioun keng Autoe méi mat engem Verbrenner-Moteur verkaf ginn. Geet et der Europäescher Kommissioun no, gëllt dee nämmlechte Verbuet vum Verbrenner-Moteur awer net fir Camionen a Busser. D'Kommissioun huet nei Grenzwäerter fir schwéier Gefierer proposéiert an ass do manner streng virgaangen.

D’Invitéen dës Woch waren:
Aline Rosenbaum - Nei Directrice vun der ULC, dem Lëtzebuerger Konsumenteschutz
Pierre Reding - Neie Commissaire fir d’Lëtzebuerger Sprooch
Fernand Ernster - Neie President vun der Chambre de Commerce
Carole Reckinger - Politesch Spriecherin vun der Caritas

Stefan Braum - Professer fir Droit op der Uni Lëtzebuerg

Éischte Präis fir de Georges Sadeler
De Komponist a Militärmuseker huet den éischte Präis bei der International Competition for Band Composition Angelo Inglese 100 gewonnen. An der Kategorie B vun de symphonesche Märsch konnt hie mat senger neier Kompositioun "Sun of Liberty" iwwerzeegen.

De Luc Boentges huet mam Georges Sadeler iwwer dëse rezente Succès an och d'Ingrediente vun engem gudde Marsch geschwat.

The Aquatic Museum
The Aquatic Museum nennt sech deen neie musikalesche Projet vun der Songschreiwerin Claire Parsons (Foto), zesumme mam Bassist Laurent Péckels an der Braatschistin Nicole Miller. Eng éischt Single gouf rezent virgestallt an och en éischten Album ass fir dëst Fréijoer geplangt.

Am Gespréich mam Claudine Muno an Yves Stephany huet d'Claire Parsons erzielt, wéi spannend, awer opwänneg d'Aarbecht un dëser Plack war.

Mam Mike Tock an de Feierowend! All Dag, vu méindes bis freides vun 18:00-20:00 Auer presentéiert de Mike Tock Iech dat Bescht aus Rock, Pop an Elektronika. Op der offizieller Tockcity-Playlist op Spotify fannt Dir och all Songs aus der Show. Abonnéiert Iech fir déi neisten Tracks net ze verpassen.