|
|
 |
NEWSLETTER |
|
Léif Nolauschterinnen an Nolauschterer,
Hei drënner eng Auswiel u Bäiträg aus dëser Woch, déi Iech interesséiere kéinten.
Vill Spaass beim Lauschteren & Liesen! |
|
Aktualitéit - Invitéë vun der Woch |
 | Nora Back
Den OGBL wëllt, datt d'Steiertabell esou séier wéi méiglech un d'Inflatioun ugepasst gëtt. Duerch d'Indextranchë missten d'Leit elo méi Steiere bezuelen, obwuel d'Regierung versprach hätt, keng Steiererhéijungen ze maachen. D'Presidentin vun der gréisster Gewerkschaft am Interview | |
|
|
|
|
|
|
 | Sam Tanson
déi Gréng wäerte warscheinlech net mat engem nationale Spëtzekandidat an d'Chamberwale goen. D'Justizministesch Sam Tanson sot am 100,7-Interview, hir Partei géif wéi bei de leschte Wale mat zwee Spëtzekandidaten an de véier Walbezierker an d'Course goen. | |
|  | Christophe Schiltz
De President vum Staatsrot wiert sech géint d'Kritik, datt seng Institutioun Enn d'lescht Joer bewosst e Gesetz ausgebremst hätt. De Staatsrot hätt der Regierung hire Plang, fir d'Ausweise vu Locatairen aus Wunnengen temporär ze verbidden, behandelt wéi aner Dossieren och. | |
|
|
|
|
|
|
 | Lex Delles
D'DP ass dogéint, d'Aarbechtszäit vu 40 Stonnen an der Woch erofzesetzen. Den DP-Parteipresident Lex Delles sot op der Antenn, hie kéint sech virstellen eng "Joresaarbechtszäit" anzeféieren, déi flexibel kéint genotzt ginn, wann ee sech mat sengem Patron eens gëtt. | |
|  | Elisabeth Margue
D'CSV steet an den Ëmfroe weider net gutt do. Wéi kann dësen negativen Trend an den nächste Méint gekippt ginn? Mir hunn d'Co-Parteipresidentin gefrot. | |
|
|
|
|
|
|
|
Aktualitéit - Invitéë vun der Woch |
 | Prime de Présence als Léisung géint Absenteismus?
Den LCGB schätzt, datt 30 bis 40 Prozent vun den Entreprisë mat Kollektivvertrag zu Lëtzebuerg hire Mataarbechter eng sougenannt Prime de Présence bezuelen - dat ass eng Primm, déi Mataarbechter um Enn vum Mount kréien, wa si dee Mount keen eenzegen Dag krankheetsbedéngt gefeelt hunn. Mee ass dat eng effikass Mesure géint den Absenteismus? | |
|
|
|
|
|
|
|
|
 | Diskussioune ronderem d'Buch an all senge Formen
Mir kucken zeréck op d’Assise vum Buch a faassen déi interessantest Aussoen zesummen. Zwee Bicher gi beschwat, dem Guy Rewenig säi “Schnatt” (Editions Guy Binsfeld) an d’Buch, wou de Bruce Springsteen an de Minett verplanzt gëtt: “This Hard Minett Land” (capybarabooks). | |
|
|
|
|
|
|
Zum Theema Kulturassisen lauschtert och de Bäitrag vum Valerija Berdi aus eiser Emissioun Kultur um 5. |
|
|
|
 |
|
Den Eurosonic Festival gëtt zanter 1986 all Joer am Januar an der hollännescher Stad Groningen organiséiert. Et ass dee wichtegste Rendez-vous fir d'Museksbranche an Europa. Dëst Joer ass e vum 18. bis den 21. Januar. Hei decidéiere sech déi musikalesch Trends fir d'Joer. De radio 100,7 ass als Member vun der EBU (European Broadcast Union) um Festival bedeelegt a kann ee Slot um Festival buchen. 2023 ass dat de Rapper Maz. Tuys a Francis Of Delirium waren 2021 an 2022 nominéiert ginn. Well de Festival déi lescht zwee Joer net physesch konnt iwwer d'Bün goen, kruten déi zwou Bands elo souzesoe réckwierkend d'Méiglechkeet fir zu Groningen opzetrieden. |
|
|
|
 | Daydream: Een Album ronderëm den Dram? Deen huet d'Naama Liany zesumme mat der Pianistin Rosalia Lopez erausbruecht. Elo ass et un der Zäit, de Programm am Kader vun engem Concert dem Public virzestellen. Mat dobäi ass nieft "Combat del Somni" vum Federico Mompou an "Despite and Still" vum Leonard Bernstein och d'Radio-Oper "The Blue Piano" vun der Albena Petrovic. Am Ganze séngt d'Naama Liany a 5 verschiddene Sproochen: Katalanesch, Russesch, Däitsch, Franséisch an Englesch. D'Marie Schockmel huet sech mat der Sängerin ënnerhalen. | |
|
|
|
|
|
|
|
 | De radio 100,7 sicht een/eng
Dokumentalist:in / Archivist:in
Är Tâchen: Dokumentéiere vu Radiosemissiounen an engem digitalen Archiv, Archivéiere vun internen Dokumenter, thematesch Recherchen an den Archiven op Demande vun der Redaktioun, Zesummenaarbecht mam CNA an den Nationalarchiven, Entwécklung vu Konzepter fir d'Verbesserung vun den Archiven
| |
|
|
|
|
|
|
De radio 100,7 sicht en onofhängege Member fir säi Verwaltungsrot
De Conseil d'Administration vum Média de Service public 100,7 besteet aus 9 Memberen, vun deene 6 vum Conseil proposéiert ginn. Duerch e beruffleche Wiessel vun engem Member, ass ee vun de Posten elo disponibel.
An de grousse Linnen ass de Conseil responsabel fir: d'Erfëlle vun de legale Missioune vum Radio, eng effikass administrativ an eng equilibréiert finanziell Gestioun vum Etablissement public, zousätzlech zu de weidere legalen Dispositiounen huet de Conseil e Règlement d'ordre intérieur an e Code de déontologie als Instrumenter fir eng gutt Gouvernance adoptéiert.
|
|
|
Mir héiere vuneneen.
Är Ekipp vum radio 100,7 |
|
 |
|
|
|
|
|
